Mobalor sa kapin P13,000 nga kantidad sa drugang shabu ang nasakmit sa kapulisan gikan sa usa ka suspek sa pagpayuhot sa ilegal na drugas atol sa gikasa nga Anti-illegal drug operation niadtong Septiyembre 18,2026 didto sa Barangay Poblacion East, Salug, Zamboanga del Norte.
Ang maong dinakpan nga drug suspek kinsa nakumpiskahan sa nasangpit nga ilegal na drugas nga mutimbang sa gibana-bana nga 2 gramos nga adunay gibanabanang balor nga Php 13,600.00.
Ang pagkadakop sa suspek ug pagkakumpiska sa ilegal na drugas gihimo pinaagi sa mga personahe sa Salug MPS (led unit) ug 2nd ZNPMFC.
Kining malampusong operasyon nagpakita sa lig-on nga dedikasyon sa atong mga personahe sa pakigbatok sa ilegal nga droga ug sa ilang padayon nga paningkamot aron mapanalipdan ang atong komunidad.(MEDALYN U. BORJA)
Source: PNP Salug Municipal Police Station