SINDANGAN, ZAMBOANGA DEL NORTE — Gibuksan na ang bag-ong Super Health Center nga adunay dialysis facility aron mas mapaduol ang serbisyong panglawas sa katawhan, ilabi na sa mga pasyenteng nanginahanglan og regular nga dialysis.
Gilauman nga dako kini’g matabang sa mga residente tungod kay dili na sila magbiyahe og layo aron makadawat og tambal, hinungdan nga mas dali ug komportable ang ilang pagpa-check-up ug pagpa-dialysis.
Gitambongan ang maong kalihokan sa mga lider ug partners nga nagpakita og lig-on nga suporta sa pagpalambo sa serbisyong panglawas sa lungsod.
Pinaagi niini, padayon nga gipakita sa lokal nga pangagamhanan ang ilang paningkamot sa paghatag og dekalidad ug mas accessible nga healthcare alang sa tanang Sindanganon.(JENIFFER JR. DELICA)
Source: Municipality of Sindangan