Dakpan ang usa ka Street Level Individual atol sa gikasa nga Anti-illegal drug operation sa mga personahe sa kapulisan gikan sa alas 11:36 ang takna sa kagabhion sa Pebrero 8 hangtod sa alas 12:45 ang takna sa kaadlawon sa Pebrero 9,2026 didto sa Brgy. Poblacion, Manukan, Zamboanga del Norte.
Ang maong dinakpan naila nga usa ka 40-anyos nga lalaki, ulitawo, laborer ug residente sa Sitio Dequis, Brgy. Poblacion, Manukan, Zamboanga del Norte, giila nga bag-ong giila nga Street-Level Individual (SLI) subay sa Pre-Operation nga gi-isyu sa alas 10:06 sa gabii, uban sa usa ka gitudlo nga poseur buyer ug confidential witness.
Nakuha atol sa operasyon gikan sa suspek mao ang nagkadaiyang pakete sa gituohang shabu nga motimbang og 0.50 gramos nga mobalor sa Php 3,400.00, Usa ka Php 1,000.00 nga kwarta nga gigamit isip buy-bust money; ug laing pakete sa gituohang shabu nga mutimbang sa 1.50 grams nga nagkantidad sa Php 10,200.00.
Ang dinakpan anaa karon sa kustodiya sa Manukan MPS alang sa pormal nga pagpasaka og kaso ug gipaubos sa drug test.
Samtang mga nakumpiskang ebidensya ipadala alang sa opisyal nga pagtimbang ug laboratory examination.(MEDALYN U. BORJA)
Source: ZNPPO