Kapin sa 6,000 ka tawo ang mitambong sa unang State of the Children Address (SOCA) ni Mayor Glona G. Labadlabad niadtong Nobyembre 14, 2025 sa Sindangan People’s Cultural and Sports Center. Ang tema karong tuiga, “OSAEC–CSAEM Wakasan: Kaligtasan at Karapatan ng Bata, Ipaglaban!”, nagpasiugda sa proteksyon ug katungod sa mga bata batok sa online sexual abuse ug exploitation.
Mitambong ang mga opisyal sa lungsod, estudyante, ginikanan, magtutudlo, NGOs, ug pribadong sektor samtang gipakita ang mga kalampusan ug programa sa administrasyon alang sa kabataan. Naghatag usab og kalingawan ang mga performance sa estudyante ug special guests, samtang gipahigayon ang prize giveaways sa pipila ka partisipante.
Gipakita sa SOCA nga ang responsibilidad sa pagpanalipod ug pagpalig-on sa katungod sa bata usa ka panaghiusa sa tibuok komunidad, nga naghatag ug mensahe nga ang kaugmaon sa Sindanganon nga kabataan mas hayag kon magkahiusa ang tanan.(JENIFFER JR. DELICA)
Source: Local Government Unit of Sindangan