Duha ka mga pinangita sa balaod ang malampusong nasikop atol sa managlahing operasiyon sa kapulisan dinhe sa lalawigan sa Zamboanga del Norte, karong bag-o pa lamang.
Sa lungsod sa Kalawit, ang mga sakop sa Kalawit MPS nagpahigayon ug manhunt operation didto sa Barangay Tugop nga mingresulta sa pagkasikop sa suspek nga giila nga si Dondi Arabia Deniega, 39 anyos, minyo ug lomolopyo ra sa nahisgotang lugar. Tagak usab sa mga kamot sa mga sakop sa Labason MPS ang suspek nga si Johnraven Dinglasa Maquilan, 21 anyos, ulitawo ug lomolopyo sa Barangay Gil Sanchez sakop sa lungsod sa Labason.
Gisikop ang suspek atol sa gipahigayon nga basketball tournament didto sa nahisgotang lugar. Ang duha ka mga suspetsado pulos adunay kasong frustrated murder.
Ang duha ka mga suspetsado pwede ra nga makabaton sa lang temporaryong kagawasan kung makatunol ug piyansa sa korte nga mobalor ug ₱ 72,000.00 matag usa kanila.
Temporaryo nga gibalhog sa sulod sa selda ang mga dinakpan mintras wala pa makabotang ug piyansa sa korte. (Rigin Rusiana)
