Gipangunahan sa Selinog Integrated School ang mga tunghaan sa rehiyon human makab-ot ang 90 puntos sa bag-ohay lang nga gihimong evaluation sa Healthy Learning Institutions (HLI) sa Zamboanga Peninsula, ubos sa Schools Division of Dapitan City.
Gipahigayon kini sa Department of Health (DOH) Region IX subay sa Universal Health Care Act aron ilhon ug lig-onon ang mga tunghaan nga nagpatuman og mga programa sa kalusugan ug kahimsog sa estudyante.
Gipasidunggan sa DepEd Dapitan ang Selinog Integrated School tungod sa mapadayong paningkamot niini nga mapatuman ang Oplan Kalusugan sa DepEd (OKD) ug mapalig-on ang kultura sa panglawas sa eskwelahan bisan pa sa kaharayo sa lokasyon niini.(JENIFFER JR. DELICA)
Source/Photo Courtesy: DepED Tayo Division of Dapitan City