Pinaagi sa pagdumala ni
PLTCOL Edwin D. Verzon, mas gipakusgan sa Zamboanga del Norte 2nd Provincial Mobile Force Company (2nd PMFC) ang ilang kampanya sa pagpanalipod sa kabataan pinaagi sa serye sa school visitations.
Tumong niini aron ipatin-aw ang responsibilidad sa komunidad sa pagbatok sa bisan unsang porma sa abuso, kapintasan ug bullying. Gipaila usab ang MAKABATA Helpline 1383 isip 24/7 nga kasaligan nga dalan sa pagreport sa mga kaso nga naghulga sa kaluwasan sa kabataan.
Dili lamang child protection ang gitutokan sa kalihokan, kundili lakip usab ang pagpahimangno batok sa malimbongong pagrekrut sa mga Communist Terrorist Groups (CTGs) nga nagpuntirya sa kabatan-onan. Gipasabot sa 2nd PMFC ang mga taktika sa pagpang-impluwensya aron malikayan ang pagkalambigit sa extremist nga grupo.
Sumala sa yunit, ang inisyatiba kabahin sa padayon nga paningkamot sa kapulisan sa pagpanalipod sa mga tunghaan isip luwas nga lugar sa pagkat-on ug paglambo sa kabataan.(IKEN B. GULLEM)
Source: Zamboanga del Norte 2nd PMFC