PIÑAN — Gisugdan sa LGU-Piñan Engineering Office ang road rehabilitation project sa Barangay Silano niadtong Pebrero 27, 2026 aron mapaayo ang kahimtangan sa dalan ug masiguro ang mas luwas ug hapsay nga pagbiyahe sa mga residente.
Ubos sa pagpanguna ni Engr. Eugene Dagurayan Mayon, giayo ang mga naguba nga bahin sa karsada nga dugay nang gireklamo sa komunidad. Gilauman nga makapamenos kini sa disgrasya ug makahatag og kahayahay sa pang-adlaw-adlaw nga pagbiyahe sa katawhan.
Nahimo ang proyekto pinaagi sa suporta sa PINasUtuY Program ni Congressman PinPin Uy, uban ang aktibong kooperasyon sa Barangay Council sa Silano nga gipangulohan ni Kapitan Rolly R. Basong.
Nagpadayon ang LGU-Piñan sa pagpalig-on sa imprastraktura isip kabahin sa ilang pasalig sa pagserbisyo ug pagpalambo sa lungsod.(JENIFFER JR. DELICA)
Source: Mayor Rommel Gudmalin