Gi-aprobahan sa mga sakop sa Sangguniang Panlungsod (SP) ning dakbayan sa Dipolog ang resolusyon nga naghangyo kang Hon. Senator Jose “Jinggoy” Ejercito Jr. nga hatagan og pundo o suportang pinansiyal ang proyekto nga mag-konkreto sa dalan sa Brgy. Diwan ning dakbayan.
Ang pagpasar sa resolusyon nagsumikad sa sulat-hangyo nga gipadala ni Mayor Darel Dexter T. Uy ngadto sa konseho alang sa nasangpit nga katuyoan.
Si Floor Leader Hon. Jonald C. Napigquit ang mipasupot sa resolusyon nga nagkanayon “Respectfully Requesting Hon. Senator Jose “Jinggoy” Ejercito Jr. to Fund and/or Provide Financial Support for the Rehabilitation/Improvement and Concrete Paving of Barangay Road from Diwan Proper to Cayasan in Brgy. Diwan, Dipolog City in the Amount of Php15M.”
Ang nasangpit nga mosyon, gidasonan ug gi-aprobahan atol sa regular nga sesyon niini kagahapong adlawa, Agosto 23 ning tuiga sa hawanan sa konseho ning dakbayan ilawom sa pagpangulo ni Bise-Mayor ug Presiding Officer Atty. Senen O. Angeles.
(Source: Dipolog City Government Facebook page)
