Patay ang usa ka koymi sa bulangan, sa nakalabayng gabie, atol sa gipahigayon nga tari didto mismo sa sulod sa bulangan dinhi sa Barangay Galas, Dipolog City Coliseum, Marso 30, 2024.
Ang biktima nailhan sa pangalan nga Tolinon Penollera kasamtangan nanimuyo sa nahisgutang lugar.
Sigon sa mga nakasaksi matud pa nga human giplastar na ang duruha ka mga manok sulod sa galera, sa dihang paingon na unta ang kuymi sa duha ka mga manok apan diritso kining mi aranggkada ug nagpanikad hinungdan nga aksidenteng naigo sa bulang ang iyang tiil miresulta sa iyang pagkaluya ug gidali dayun pagdala sa ospital para sa hinanaling pag atiman.
Sa maong hitabo nakabsan jud sa kinabuhi ang maong biktima ug gikasubo kini sa tibuok banay sa kalit nga pagtaliwan sa ilang mahal sa kinabuhi.
Ang kadumalahan sa Dipolog Coliseum Inc. maoy mihatag ug tabang pinansyal sa tanang magasto sa iyang pagpahimutang. (Angelica T. Obina)