Nakahan-ay na ug na-aprobahan na sa gipahigayong Provincial Development Council ang mga proyekto ug mga programang i-implementar sa Kagamhanang-Probinsyal sa Zamboanga del Norte, gamit ang 2024 20% Local Development Fund sa probinsya nga PhP593,087,605.00.
Kini nahitabo atol sa gipahigayong PDC Meeting didto sa Zamboanga del Norte Convention and Exhibition Center Plenary Hall nga nahimutang sa Barangay Estaka, ning Dakbayan sa Dipolog, Oktubre 11, 2023.
Sa kinatibuk-ang 20% Local Development Fund sa Zamboanga del Norte nga PhP593,087,605.00, ang economic development sector mikaon ug dakong pahat nga miabot sa PhP554,087,605, samtang ang nahibiling bahin napunta sa social services ug uban pang mga programa.
Ang miting gipangunahan ni Acting Provincial Administrator Mr. Wilberth “Jojo” Magallanes, kinsa mao ang Vice Chairman sa PDC.
Lakip sa mga mitambong sa PDC meeting sila si Third District Board Member Kaye Marie Bolando, Dipolog City Mayor Darel Dexter Uy Vice Mayor Atty. Senen Angeles, La Libertad Vice Mayor Romeo Mejias ug mga Municipal Development Officers sa nagkalain-laing kalungsuran sa Zamboanga del Norte.
(Source: Provincial Government of Zamboanga del Norte Facebook page)