Sa padayon nga paningkamot sa pagpalig-on sa food security ug community self-reliance, ang 1st Zamboanga del Norte Provincial Mobile Force Company (PMFC), ubos sa liderato ni PLTCOL Ryan Jay R. Capurcos, Force Commander, malampusong naka-ani og preskong mga utanon gikan sa gulayan sa yunit.
Kini nga kalihokan nagpamatuod sa aktibong papel sa PMFC sa paghatag og lig-on ug malungtarong solusyon sa panginahanglan sa pagkaon sa ilang hanay.
Kini nga inisyatiba resulta sa hiniusang paningkamot, disiplina, ug dedikasyon sa tanang personnel sa yunit. Pinaagi sa kooperasyon ug responsable nga pag-atiman sa gulayan, napalambo ang kultura sa pagpananom nga naghatag og himsog nga alternatibo sa pagkaon samtang nagpalig-on sa kahimtangan sa self-sufficiency sulod sa organisasyon.
Padayon nga nagpakita ang PMFC sa ilang suporta sa malungtarong mga programa nga dili lamang nagbenepisyo sa ilang personahe kundili usab naghatag og maayong ehemplo sa komunidad.(IKEN B. GULLEM)
Source: Zamboanga del Norte 1st Provincial Mobile Force Company