Ang operasyon miresulta sa pagkasikop ni PCpl Abdul Michael Taulani Ladja, 36 anyos sakop sa PNP nga nadestino karon sa Zamboanga City Police Station 1 ug residente sa San Roque, Zamboanga City ug Edward Charles Aquino Brown, 28 anyos, self-employed ug residente sa Baliwasan Grande, Zamboanga City nga nasakpan sa akto nga namaligya og smuggled nga sigarilyo ngadto sa usa ka polis nga nagsilbing poseur buyer. Nasakmit atol sa operasyon ang 16 ka master cases sa Astro red smuggled cigarette products; usa (1) ka unit nga kalibre .9mm Glock 17 gen4, duha (2) ka magazine assembly para sa cal. 9mm Glock pistol, 25 ka mga buhing bala sa cal.9mm, usa (1) ka unit sa Toyota Vios, usa ka unit nga Ford Everest ug buy bust money nga gilangkuban sa 15 ka buok PhP1,000.00 (boodle money), 9 ka buok PhP100.00 (boodle money ) ug usa ka piraso nga PhP100.00 (tinuod nga kuwarta).
Ang mga nakumpiska nga smuggled nga sigarilyo gibanabana nga kinatibuk-ang market value nga mokabat sa PhP 560,000.00. Ang mga dinakpan ug nasakmit nga mga butang gidala sa CIDG Zamboanga del Sur alang sa tukmang disposasyon.
(Source: PNP ZamPen)