“Kung ang mag-uuma kaniadto magtanum alang lamang sa ilang kaugalingong konsumo apan karon mapalapad na nila ang ilang kalihukan sa pang-agrikultura gumikan ning maong halapad nga dalan”.
Kini ang tipik sa mensahe ni OIC Regional Executive Director Reynaldo Campomanes sa Department of Agriculture-9 atul sa Turn-Over Ceremony sa Farm to Market Road Subproject (Segment 1 and 2) nga adunay gitas-on nga 32.27 kilometro ug nagkantidad sa P462 milyones, sa Gatas-Batayan-Pobalcion-(Pagkain ng Bayan)-Daniel Maing, Kalawit-Gabu-Lawigan-Osukan, Labason, ning lalawigan kaniadtong Hulyo 7, niining tuiga.
Kini maoy pinakataas ug pinakadako nga World Bank-Funded Project sa Philippine Rural Development Project (PRDP) sa tibuok nasud.
Dugang ni RED Campomanes nga masayon na unya sa mga mag-uuma alang sa paghandus sa ilang produkto ngadto sa kamerkaduhan.
Ning maong dalan, dili lamang ang katawhan sa lungsod sa Kalawit ug Labason ang makapahimulos niini kondili lakip na ang ang taga lungsod sa Gutalac, Siocon ug Baliguian kinsa mohandus sa ilang produkto sa agrikultura ngadto sa merkado.
Dugang sa mensahe ni RED Campomanes, siya nanghinaut nga ampingan kini sa kagamhanang probinsyal sa Zamboanga del Norte ug sa duha ka lungsod sa Kalawit ug Labason, ug ilaha nang papel ang pagmentinar niini.
Gipasalamatan ni RED Campomanes ang administrasyon ni Governor Rosalina “Nanay Nene” Jalosjos sa pagtiwas sa maong proyekto diin nasugdan sa administrasyon ni kanhi Governor Roberto Uy ug pahatan sa probinsya sa 10% sa kinatibuk-ang kantidad sa maong proyekto.
(Source: Provincial Information Center ZaNorte Facebook page)