Nagmabulokon ang pakig himamat sa isa sa taas nga opisyales sa kapulisan sa Rehiyon 9 ug Regional Director nga PBGEN. ROEL CUEVAS RODOLFO sa Police Regional Office 9 ngadto sa mga opisyales ug miyembro sa ZNPPO Press Corps, Mayo 7,2025 sa may alas 11:00 ang takna sa kabuntagon,didto sa Jo’s Inato Nona’s Grill,Mibang,Sta.Filomena, ning dakbayan sa Dipolog.
Ang maong kalihokan gitambongan sa pipila sa mga opisyales ug personahe sa kapulisan gikan sa sama nila ni PSSg.Ma.Riffy C Balingit,ZNPPO PIO PNCO, PLTCOL.Rober E Agda,Chiel PPCADU,Saturnino Pableo,NUP ug mga Media Practitioner nga miyembro ug opisyal ilawom sa ZNPPO Press Corps.
Alayon sa maong talagsa-ong panagtapok ug paghimamat mao ang mapaambit ang lig-on nga kooperasyon,koordinasyon ug maayong relasyon sa kapulisan ngadto sa mga sakop sa Media,nga usa ka dakong lakang nga makatabang sa pagbay-loay ug inisyatiba sa natad sa pagpapakatap ug patas sakto ug pulido nga impormasyon ngadto sa publiko.
Usa ka mahinungdanong kahigayunan nga nagpakita ug hugot nga suporta ngadto sa kapulisan nga nagpakita sa ilang kahusayan sa pagpanalipod sa siguridad sa katawhan ilabi na sa umaabot nga piniliay.
Gihisgotan ang mga gihimong pagpangandam sa kapulisan alang sa umaabot nga piniliay sa Mayo 12,2025 nga Nasiyonal ug Lokal nga Eleskyon, diin sigon sa nasayran gikan ni PBGEN. ROEL CUEVAS RODOLFO nga kapin sa 7,000 ka mga personahe sa kapulisan ang gi deploy sa tibuok Region 9 alang sa siguridd, kahapsay ug kalinaw sa piniliay.
Sa katapusang bahin sa kalihokan si PBGEN. ROEL CUEVAS, mipadayag sa iyang kalipay ug pasalamat nga nahimamat ang wala damha nga daghang miyembro sa Media ilawom sa ZNPPO PRESS CORPS ang iyang nakita nga mainitong mi abi-abi ug midawat ka niya, ug nanghinaot ang padayon nga kooperasyon ug suporta sa mga sakop sa Media ngadto sa kapulisan.
News and photos : Medalyn U. Borja