Tulo ka adlaw nga mga kalihukan ang giandam alang sa selebrasyon sa 44th Araw ng Barangay Poblacion nga ipahigayon gikan Setyembre 21 nga mulungtad hangtod sa Septiyembre 23, 2026 sa Barangay Poblacion, Leon B. Postigo.
Sugdan ang selebrasyon sa Setyembre 21 pinaagi sa motorcade alas 7 sa buntag, sundan sa Thanksgiving Holy Mass alas 9 ug opisyal nga opening program diin sa gabii ipahigayon ang CSO Night ug Cultural Presentation.
Sa ikaduhang adlaw sa selebrasyon sa Setyembre 22, magpahigayon og medical ug dental outreach sa Poblacion Covered Court. Lakip niini ang libreng medical check-up ug konsultasyon, feeding program, dental check-up ug serbisyo, ingon man libreng haircut nga limitado lamang sa 100 ka benepisyaryo ug sundon ang first-come, first-served nga pamaagi.
Samtang sa katapusang adlaw sa selebrasyon sa Septiyembre 23,2024 usa ka kalihokan pang-isports ang pagahimuon sa Sector 4 Fishport diin kini langkuban sa kompetisyon sama sa pump boat racing sa diesel category, sakayan racing, karang sa bagol ug sack race.
Tapuson ang tulo ka adlaw nga selebrasyon pinaagi sa Barangay Team Building ug Closing Ceremony alas 6 sa gabii.
Gidasig sa Sangguniang Barangay ang mga residente ug bisita nga moapil sa mga kalihukan isip pagpanghimatuod sa panaghiusa, kultura ug paningkamot alang sa mas mauswagon nga Barangay Poblacion.(MEDALYN U. BORJA)
Source: Barangay Poblacion