34.7 C
Manila
Thursday, March 28, 2024

Dipolog: P2.5-M cash assistance gikan DOST-IX nadawat sa usa ka Dipolog-based metal engineering firm

- Advertisement -

Malipayong gidawat sa usa ka Dipolog based metal engineering firm ang cash assistance nga gikan sa Department of Science and Technology IX (DOST IX), pinaagi sa Small Enterprise Technology Upgrading Program (SETUP) sa ahensya.

Visit RPN DXKD Dipolog

Ang giingon nga firm ang Engr’s Steel Industry, nga nagbase sa dakbayan sa Dipolog.

Ang tabang nga giduhol mubalor ug  ₱ 2,500,000.00 para kini sa mga ekipo ug mga productivity upgrade.

Ang maong cash assistance  makatabang sa kompanya aron makahimo og 1-unit nga Bottom Strip Forming Machine ug 1-unit nga Spring Forming Machine.

Uban niining bag-ong ekipo, ang kompanya makahimo na karon sa pagprodyus og spring ug bottom bar isip usa sa mga importanteng materyales sa roll-up door construction.

Hibaloan nga ang Engr’s Steel Industry maoy unang kompanya nga nagprodyus og spring ug bottom bar sa atong probinsya.

Dugang pa niana, nga sa wala pa ang interbensyon sa DOST, ang Engr’s Steel Industry nagsalig lamang sa spring roll outsourcing gikan sa mga suppliers sa Sugbo ug Manila.

Ang giingong kompanya, sa laing bahin naghimo ug bottom bar nga manomano lamang nga pamaagi.

Apan atol sa tunga-tunga sa pandemya sa COVID-19 nababagan ang produksiyon sa kompanya tungod sa pagkalangan sa paghatud sa mga raw materials diri sa gihisgotang probinsya.

Dako ang kalipay ni Engr. Denis B. Tagab-ang tag-iya sa giingong firm, tungod sa maong tabang nga gihatag. Nagpasalamat usab siya sa DOST sa paghatag sa gikinahanglan nga interbensyon alang sa iyang kompanya.

Matod pa niya, nga makatabang kini sa kompanya sa ilang nagapadayon nga mga proyekto ug pagsuplay sa ingon niini nga mga materyales sa ilang mga kustomer niining lalawigan ingon usab sa mga kasikbit nga probinsya sa Visayas ug Mindanao.

Kahibaloan nga ang SETUP, usa sa mga flagship programs sa DOST, nga padayon nga naghatag ug tabang sa MSME kon micro, small, and medium enterprises isip pag-ila sa ilang importanteng papel sa ekonomiya sa nasud. (Liccin V. Bello)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -