Madasigong gipasiugdahan sa Office of Civil Defense (OCD) – Regional Office 9 ug Regional Disaster Risk Reduction and Management Council (RDRRMC) ang usa ka adlaw nga Disaster Risk Reduction and Management (DRRM) Roadshow kagahapong adlawa, Setyembre 27, sa Dapitan City Cultural and Sports Center sakop sa Dakbayan sa Dapitan.
Lakip sa mga mamumulong sa nahitabong roadshow si OCD Regional Director ug RDRRMC Chairperson Ramon Ochotorena, Assistant Regional Director Atty. Ruel Halanes, Operations Section Chief Emilia Julhajan, ug Operations Section Deputy Shemesh Salomon.
Kapin sa 200 ka mga barangay opisyales gikan sa 50 ka mga barangay, mga personahe sa Dapitan City Disaster Risk Reduction and Management Office (CDRRMO), ug mga miyembro sa CDRRMC ang aktibong mipartisipar sa naasoy nga kalihukan.
Gibutyag ni RD Ochotorena nga ang DRRM Roadshow gimugna isip pagsanong sa direktiba ni Presidente Ferdinand “Bongbong” R. Marcos Jr. nga nagtumong sa pareho ug koordinado nga pamaagi alang sa pagtubag sa mga katalagman sama sa bagyo, baha, pagdahili sa yuta, linog, ug uban pa…
Source: DAPITAN CITY INFORMATION DIVISION Facebook page
