Sikop sa gikasa nga buy-bust operation sa mga personahe sa kapulisan ang usa ka notadong Street Level Individual (SLI), mga alas 6:37 ang takna sa kagabhion, Marso 5, 2025, didto sa Purok 2, Brgy Biasong ning dakbayan sa Dipolog.
Ang maong dinakpan naila nga usa ka 49 anyos nga lalaki,ulitawo,walay trabaho ug residente sa Brgy. Estaka, Dipolog, kinsa gidakop sa mga personahe sa Dipolog CPS (SDET) pinangulohan sa COP, Dipolog City Police Station (lead unit) kauban ang RDEU 9, 901st RMFB, 1st ZNPMFC, RDEU 9 ug ZN RID 9 uban sa koordinasyon sa ZN PDEA 9.
Nakumpiska gikan sa possession ug kontrol sa suspek atol sa operasyon mao ang usa ka small sized heat-sealed transparent plastic sachet nga adunay sulod nga white crystalline granules nga gituohang “shabu”,Usa ka big sized heat-sealed transparent plastic sachet nga adunay sulod nga white crystalline granules nga gituohang “shabu”, Usa ka 1,000-peso bill nga buy bust money; Usa ka Sling Bag nga kolor itom nga adunay lain-laing butang ug sudlanan
Usa ka gamay nga pitaka nga kolor olive green nagsilbing sudlanan sa narekober shabu, Usa ka unit nga cellular phone nga RealMe color blue nga adunay case,
Usa (1) ka sudlanan sa tambal alang sa manok, Kuwarta nga nagkantidad ug 46 pesos nga mga sensilyo sa lain-laing denominasyon, ug Usa ka 50 pesos nga kwarta.
Ang mga narekober nga ebidensya sa droga, gibana-bana nga mutimbang sa 3 gramos nga adunay standard drug price nga mobalor sa PHP 20,400.
Ang mga nakumpiska nga drug items gi-turn over ngadto sa ZDN Provincial Forensic Unit, samtang ang nasikop nga suspek anaa sa protective custody sa Dipolog CPS. (Medalyn U. Borja)
(Source: Dipolog CPS)