Sa pagpalig-on sa kahandam ug kapasidad sa pagtubag sa mga insidente sa active attack, mipahigayon og Nationwide Simultaneous School Safety Drill for Active Attack Incidents ang La Libertad Municipal Fire Station sa La Libertad National High School.
Ang kalihokan gipangulohan ni FINS(P) DOMINIC JOHN N. GREGORIO, Acting Municipal Fire Marshal, uban sa koordinasyon sa mga personnel sa Philippinew National Police (PNP) ug Department of Education (DepEd) sa lungsod.
Ang drill gipangulohan sa eskwelahan ug nagtumong sa pagpalig-on sa kahandam ug hustong pagtubag sa mga eskwelahan ug komunidad kon adunay mahitabo nga insidente sa active attack.
Tumong usab niini nga mapalambo ang kahibalo, koordinasyon, ug epektibong mga pamaagi sa pagtubag sa emerhensiya aron masiguro ang pagbaton og luwas, segurado, ug lig-on nga palibot sa pagkat-on.
Pinaagi sa panagtinabangay sa eskwelahan, Bureau of Fire Protection (BFP), kapulisan, ug uban pang mga stakeholder, gipasiugda sa maong kalihokan ang dakong importansya sa kahandam, panaghiusa, koordinasyon, ug pagkamabinantayon aron mapanalipdan ang mga estudyante, magtutudlo, ug tibuok komunidad sa eskwelahan.(IKEN B. GULLEM)
Source: BFP R9 La Libertad Fire Station