Balhog sa selda sa Polanco PNP ang usa ka 34-anyos nga lalaki nga residente sa Purok Mabini, Poblacion South, Polanco, Zamboanga del Norte, tungod sa kasong pamaligya sa illegal nga drugang shabu sa gipahigayong law enforcement operation sa nakalabayng adlaw.
Ang pagdakop gihimo pinaagi sa warrant of arrest nga giisyu ni Judge Cherry Joy Concha-Ageas sa Regional Trial Court Branch 10,Dipolog City ug pinetsahan sa Mayo 20,ning tuiga.
Ang maong operasyon gipanguluhan sa mga personahe sa Polanco Municipal Police Station, inubanan sa koordinasyon sa Zamboanga del Norte Provincial Intelligence Unit hinungdan sa pagkasikop sa maong suspek.
Sa pagkakaron ang dinakpan anaa na sa kustodiya sa Polanco PNP ug kasamtangan gipasaka na ang sa kaso batok kaniya ilawom sa Republic Act 9165 o Comprehensive Dangerous Drugs Act of 2002.(Angelica T. Obina)
Source: Dipolog PNP