Usa ka aksidente sa kadalanan hinungdan sa pagka angol ug dead on the spot ang usa ka motorista didto sa Barangay Ilaya Dapitan City sa may alas 7:25 sa kagabhion Mayo 09, 2024.
Ang kapolisan sa Dapitan City Police Station nga gipanguluhan ni PMSG Archival Pugoy nga maoy duty anang higayuna isip Traffic Investigator inubanan sa Alert Team sa Dapitan City Police Station ang dali dayung mi responde sa maong aksidente ug pag imbestiga.
Ang motosiklo nga Rusi 100 adunay temporaryong plate number 090105,color itom ug walay saktong dokomento ug ingon man walay Drivers License ang maong motorista kinsa gimaneho ni Necias Arevalo Embrado,72 anyos,minyo,residente sa Brgy. Oyan,Dapitan City. Ug usa ka Mountain bike Driver nga si Peter Jilmore Dulang Azucenas,54 anyos minyo,residente sa Brgy.Burgos,Dapitan City.
Saysay ni Azucenas siya gabyahe paingon sa Brgy.Burgos ug sa paghidangat niya sa National Highway kalit lang siyang gidasmagan sa motorsiklo nga gimaneho ni Embrado.
Matud pa sa Inisyal nga imbestigasyon,ang gamaneho sa bisikleta nga si Azucenas nakaangkon kini ug daghanang pangos ug bali sa kalawasan ug gidali dayun kini pagdala sa tambalanan sa Zanorte Medical Center ug ang Driver sa motorsiklo nga si Embrado nakaangkon kini ug fatal injury sa iyang ulo ug gidali dayun pagdala sa Dr. Jose Rizal Memorial Hospital para sa hinanaling pag atiman pero ge declarar na kining patay na sa paghidangat sa tambalanan sa nag atiman nga doctor nga si Dr.Jhonny Rey C. Grefiel sa 7:55 sa gabie.
Ang motorsiklo ug ang bisikleta anaa na karon sa kustodiya sa DAPITAN POLICE STATION para sa tukmang disposisyon. (Angelica T. Obina)
(Source: Hisyl Palma, Dapitan City Police Station)