Aron hisgutan ang mga estratehikong oportunidad alang sa inklusibo ug malungtarong kalamboan sa munisipyo sa Sergio Osmeña, ang Mindanao Development Authority (MinDA) – Area Management Office for Western Mindanao, pinangulohan ni OIC-Chief Rogelio R. Visitacion, misuroy sa lungsod ug nakigpulong kang Mayor Glen N. Yu ug sa LGU team.
Lakip sa gituki ang Mindanao Inclusive Agriculture Development Project (MIADP), usa ka flagship program sa MinDA nga nagasuporta sa Indigenous Peoples (IPs) pinaagi sa mga agricultural-based initiatives. Ang Sergio Osmeña nailhan nga usa sa mga munisipyo nga prioridad ug posibleng mapilian sa MIADP.
Gipasalamatan ni Mayor Glen N. Yu ang MinDA sa padayong paggiya ug teknikal nga tabang, ug iyang gipasiugda ang tibuok kadasig sa LGU sa pagpadayon sa mga programa nga nagpalig-on sa komunidad ug nagdasig sa malungtarong pag-uswag.
Uban sa pagtinabangay sa MinDA, naglaum ang LGU nga mas mapadali ang pagpatuman sa ilang mga tumong ug pangandoy, aron tukoron ang usa ka mas lig-on, mas inklusibo, ug mas mauswagong kaugmaon para sa tanan.(IKEN B. GULLEM)
Source: Municipality of Sergio Osmeña