Gikalatid nga modawat sa ilang “Performance-Based Bonus” (PBB) ang tanang kwalipikadong mga regular nga kawani ug opisyal sa kagamhanang lokal ning siyudad, isip pahalipay ug bugti sa maayong performace nga nahimo sa tanang kawani, ug sa kinatibuk-an, ang pamuno-an usab sa kagamhanang lokal ning atong siyudad ubos sa liderato ni City Mayor Darel Dexter T. Uy.
Sigun sa nasayran nga ang pagpanghatag sa PBB sa kagamhanang lokal ning siyudad maoy ubos sa pagtugot ilawom sa Joint Memorandum Circular no. 2021-01 (Guidelines on the Grant of the Performance-Based Bonus for Officials and Employees of Local Government Units for Fiscal Year 2021.
Sumala pa nga aron mo-qualify ang usa ka LGU alang sa PBB, kinahanglan nga kini makapasar sa minimum local government standards nga gipangayo aron mahimong consistent passer sa Good Financial Housekeeping.
Ang kagamhanang lokal sa Dipolog matud pa nahimong kwalipikado human kini malamposong nakatuman sa mga criteria nga gipangayo alang niini sama sa A) Pagpahimutang sa ”bag-o ug updated” nga Citizen’s Charter nga nagpakita sa malamboon ug systematic nga pagpadagan sa pangagamhanan dinha sa mga transaksiyon niini ngadto sa publiko ug uban pa, pinasikad sa Akta Republika No. 11032, B) Sustained Compliance with Audit Findings sa dili momenos sa 30% sa nanglabay nga mga audit recommendations ang napatuman sigun sa makita sa Report on Status of Implementation of Prior Years Recommendation, C) Consistent passer sa Good Financial Housekeeping ug D) padayong pagpatuman sa Performance Rating System Consistent with Strategic Performance Management System (SPMS) diin ang dakbayan ang taud-taud nang nagpatuman niini, nga maoy mopakita sa mga nahimong accomplishments sa tanang mga kawani ug opisyal sa usa ka LGU.
Sumala pa, nga sigun sa talaan alang sa mga LGUs nga kwalipikadong makahatag sa PBB, ang dakbayan lamang sa Dipolog, uban sa mga lungsod sa Labason, Manuel Roxas ug Jose Dalman ang nahimong kwalipikado dinhi sa atong lalawigan sa Zamboanga Del Norte.
(Source: Dipolog City Government Facebook page, photo courtesy of Mayor Darel Facebook page)
