Misalmot sa gipahigayon nga Medical and Service Caravan ang mga kawani sa Provincial Social Welfare and Development Office (PSWDO) sa Zamboanga del Norte nga gipahigayon sa Polot Poblacion, Manukan, Zamboanga del Norte niadtong Pebrero 27,2026.
Ang maong kalihokan kabahin sa Inter-Agency Territorial Defense Operations Exercise sa Armed Forces of the Philippines diin ang mga kawani sa PSWDO mihatag ug mahinungdanong tabang sa mga miyembro sa komunidad nga gilangkuban sa; Food Distribution Assistance, Burial Assistance,Shelter Assistance,Financial Assistance alang sa mga nanginahanglan.
Kini nga kalihokan gihimo para sa paghiusa sa nagkalain-laing ahensya sa gobyerno aron direktang maghatud sa mga importanteng serbisyo ngadto sa katawhan, pagsiguro nga bisan kadtong anaa sa lagyong mga barangay makadawat dayon og suporta.
Alayon niini nga mapadayon ang pasalig sa Panggamhanan sa lalawigan sa Zamboanga del Norte sa pamunuan sa Gobernador ning probinsya nga si Governor Darel Dexter Uy nga madala ang inklusibo ug responsive nga serbisyo publiko ning probinsya.
Tungod niini nga mga paningkamot mapalig-on pa ang inter-agency nga koordinasyon, sa Panggamhanan sa Lalawigan nagpabilin nga lig-on sa seguridad,ug sosyal nga proteksyon nga pagpasiugda alang sa kaayohan sa tanan.(MEDALYN U. BORJA)
Source: PSWDO