Mobalor sa ₱ 150,000.00 nga grant ang nadawat sa Bidlisiw sa Kalamboan Multipurpose Cooperative (BKMPC) sa Brgy. Cogon ning dakbayan sa Dipolog gikan sa buhatan ni Mayor Darel Dexter T. Uy.
Ang nasangpit nga grant, sumala pa ni Ms. Elena Doris R. Sarande, City Cooperative Development Officer, gihatag ni Mayor Uy tungod kay nakita niini nga maayo ang dagan ug operasyon sa nasangpit nga kooperatiba. Nasayran nga ang Bidlisiw nga dunay mokapin 500 ka mga miyembro, usa ka Regional Awardee ilawom sa kategoriya Small Scale Cooperative ug nominee usab alang sa Outstanding Cooperative sa Nasyonal nga lebel.
Malipayon nga gitunol ni Mayor Uy ang tseke ngadto sa mga miyembro sa nasangpit nga kooperatiba inubanan usab ni Punong Barangay Paquito Paῆo, sa may kapin kon kulang alas 2:00 ang takna sa hapon, Hulyo 13 ning tuiga didto sa buhatan niini.
(Source: Dipolog City Government Facebook page)