Mas gipalig-on pa ang panag-uban tali sa Department of Social Welfare and Development (DSWD)-KALAHI-CIDSS ug sa Probinsyal nga Pangagamhanan aron palig-onon ang panag-uban niini sa pagpatuman sa mga programa nga makapalambo alang sa komunidad sa probinsya, human mipahigayon og courtesy call ngadto kang Governor Darel Dexter T. Uy.
Gihisgutan sa miting ang pagpalawom sa Provincial LGU engagement ubos sa Philippine Community Resilience Project (PCRP), nga nagtumong sa pagpalig-on sa kapasidad sa mga komunidad batok sa kalamidad pinaagi sa community-driven development approach.
Lakip usab sa agenda ang umabot nga Implementation Support Mission sa Philippine Multi-Sectoral Nutrition Program (PMNP) karong Marso 2–5, 2026, nga pagatambongan sa mga representante gikan sa World Bank ug UNICEF aron maghatag teknikal nga suporta ug monitoring.
Samtang, gipadayag sa Kapitolyo ang padayon nga suporta sa mga programa sa DSWD aron masiguro ang epektibo ug malungtarong serbisyo alang sa katawhan sa probinsya.(IKEN B. GULLEM)
Source: Zamboanga del Norte Provincial News Network