PIÑAN, ZAMBOANGA DEL NORTE — Gikatakdang ipahigayon ang GC Services on Wheels in partnership sa Provincial Team Kuyog Ta! Medical ug Serbisyo Caravan karong Abril 14 sa Barangay Villarico Covered Court, Piñan.
Sugdan ang kalihokan alas 8:00 sa buntag diin gilauman ang pagdagsa sa mga residente aron mopahimulos sa nagkalain-laing libreng serbisyo nga ihatag sa maong caravan.
Lakip sa mga serbisyo ang medical ug dental check-up, eye exam nga adunay libreng reading glasses, PhilHealth profiling, National ID registration, legal consultation, veterinary services, ug feeding program.
Giawhag sa LGU Piñan ang tanang katawhan nga moapil ug mopahimulos sa maong programa nga nagtumong sa paghatag og duol ug dali nga serbisyo sa komunidad.(JENNIFER JR. DELICA)
Source: Mayor Rommel Gudmalin