Gipahibalo ang libreng pediatric check-up alang sa mga bata sa Zamboanga del Norte nga ipahigayon karong Mayo 2, 2026 alas 8 sa buntag sa Zamboanga del Norte Medical Center Outpatient Department sa Dipolog City.
Ipahigayon ang maong inisyatibo uban sa suporta ni Gobernador Darel Dexter T. Uy aron mapaduol ang serbisyong panglawas ilabi na sa mga kabatan-onan nga nagkinahanglan og tukmang pag-atiman.
Manguna sa libreng konsultasyon si Dr. Noel Astrologo, usa ka espesyalista sa pediatric surgery, nga motan-aw sa kahimtang sa mga bata gikan sa routine check-up hangtod sa sayong pag-ila sa mga posibleng sakit.
Gidasig ang mga ginikanan nga moduol sa ZNMC Medical Team Office sa Sicayab o sa OSAC Medical Health Referral sa Provincial Capitol sa Estaka alang sa dugang impormasyon, samtang padayon nga gipalig-on sa probinsya ang serbisyo alang sa kahimsog sa kabataan.(JENIFFER JR. DELICA)
Source: Zamboanga del Norte Medical Team