Malampuson nga gipahigayon sa lokal nga kagamhanan sa Dipolog ug Holcim Philippines ang Memorandum of Agreement (MOA) alang sa Co-Processing of Residual Wastes Agosto 10 ning tuiga, alas 2:00 sa hapon sa Seven Treasures Restaurant, Top Plaza Hotel ning siyudad.
Gipahigayon ang pagpirma sa kasabutan tali sa duha ka ahensya aron matubag ang hustong pagdumala sa basura sa dakbayan.
Mayor Darel Dexter T. Uy sa iyang mensahe nga ang pakigtambayayong sa lokal nga kagamhanan sa Dipolog uban sa Holcim makatabang og dako sa pagkunhod sa atong paglabay sa basura dinhi sa dakbayan matag adlaw.
Subay niini nga kasabotan, ang tanang nahabilin nga mga basura ipaubos sa pagproseso aron isagol alang sa produksiyon sa semento sa HOLCIM, nga mao ang ilang nag-unang pabrika.
Nunot sa maong kalambuan, gibutyag usab ni  Samuel Manlosa Jr.(Geocycle Head) sa HOLCIM, Philippines nga dinhi lamang sa Zamboanga Peninsula, lungsod sa Domingag ug dakbayan sa Dipolog ang mihimo sa inisyatiba pinaagi sa pakigtambayayong sa ilang kompanya alang niini nga katuyoan, busa gipaabot niini ang ilang pagpasalamat  atong dakbayan ubos sa administrasyon ni City Mayor Darel Dexter T. Uy ug Bise Mayor Senen O. Angeles ug uban pang opisyal.
(Source: Dipolog City Government Facebook page)
