Malampusong gipahigayon ang pag saulog sa 2022 National Women’s Month sa lungsod sa Polanco, nga may tema nga “Agenda ng kababayen-an tungo sa kaunlaran”.
Gisugdan ang maong kalihukan pinaagi sa usa ka float parade nga nanukad sa Polanco central school, libot na sa nanag-unang kadalanan sa poblacion sa maong lungsod.
Human sa parade, gisugdan gilayon ang programa nga gitambongan sa mga kadagkuang opisyal sa lungsod pinanguluhan sa mayor nga si Evan Hope Olvis. Ug pipila ka mga sakop sa Sangguniang Bayan.
Ang kasaulugan sa National Womens month 2022, usa ka tinuig nga kalihukan nga naga sentro sa mga kalampusan nga nakab-ot sa kababayen-an taliwana niining krisis sa covid-19. Pag timbang-timbang usab kini sa mga aksyon ngadto na sa gender equality ug pag tan-aw sa unahan, pag hatag gahum sa mga kababayen-an.
Sa maong programa, adunay mga naka han-ay nga mga aktibidad nga nag lambigit sa mga talent sa mga kababayen-an, sama sa parada sa mga maanyag, doble kara, wonder mama tiktokers, ug search for ginang plantita. (Ryan Uy)
