Gipalig-on sa Lokal nga Panggamhanan sa Piñan ang suporta niini sa pag-obserbar sa National Disaster Resilience Month 2026 pinaagi sa pagdasig sa kahandam ug panaghiusa sa komunidad batok sa mga kalamidad.
Gipangulohan sa Bureau of Fire Protection Piñan ug Municipal Disaster Risk Reduction and Management Office Piñan ang kalihokan uban sa aktibong partisipasyon sa Philippine National Police ug ubang mga ahensya sa lokal nga panggamhanan. Gipasiugda sa maong kalihokan ang importansya sa koordinasyon, andam nga pagtubag, ug hiniusang paningkamot sa panahon sa emerhensiya.
Sumala sa LGU Piñan, nagpabiling prayoridad ang pagpanalipod sa kinabuhi ug kabtangan sa katawhan pinaagi sa padayon nga pagbansay, pagpangandam, ug pagpalig-on sa disaster preparedness sa matag sektor sa komunidad.
Kabahin ang maong kalihokan sa pagsuporta sa tema sa National Disaster Resilience Month 2026 nga nagtumong sa pagtukod og mas andam, mas luwas, ug mas lig-on nga komunidad alang sa tanang Piñananhon.(JENIFFER JR. DELICA)
Source: Mayor Rommel Gudmalin