Timbog ang usa ka lalaki sa drug buy-bust operation didto sa Purok Centro, Barangay Veterans Village, Ipil, Zamboanga Sibugay sa may alas 5:20 sa kahapunon niadtong Marso 9 ning tuig.
Giila ang lalaki nga si John Michael Diano Cruz, minyo, 19 anyos walay trabaho ug lumulupyo sa Purok Everlasting, Baranggay Don Andres, Ipil Zamboanga Sibugay.
Nabawi ug nakumpiska sa mga operatiba ang 1 piece small heated-sealed plastic sachet (buy-bust item) nga gibana bana nga may gibug atong 0.073g, 3 ka mga piraso nga medium ug upat ka piraso nga small heated-sealed transparent plastic sachet nga may gibug-atong 4.853g.
Ang tanan nga nakumpiska adunay sulod nga white crystalline substance nga gituohang shabu diin gibana-bana nga may kinatibuk-ang gibug aton nga 4.926 g nga mukabat sa P33,596.80.
Dugang pa niini nakuhaan usab ang maong lalaki og 3 ka disposable nga berdeng lighter, 4 ka piraso nga 100 peso bill usa ka unit nga white KFone, usa ka itom nga coin purse ug usa ka 500 pesos bill (mark money).
Gipanguluhan sa Philippine National Police personel sa Provincial Drug Enforcement Unit (PDEU), Zamboanga Sibugay Police Provincial Office (ZSBPPO) kauban sa Police Intervention Unit sa ZSBPPO, Ipil Municipal Police Station, ug 1st ug 2nd Provincial Mobile Force Company (PMFC), ang maong operasyon.
Ang arestado ug ang mga nakumpiska nga mga items niini gidala sa Ipil Municipal Police Station para sa dokumenstayon ug sakto nga disposisyon. (Liccin Bello)
