Himas rehas karon sa prisohan ang usa ka kawatan homan masikop sa gikasa nga joint law enforcement operation sa mga operatiba sa Siayan Municipal Police Station, uban sa koordinasyon sa mga elemento sa 1st ZNPMCC ug PIU ZNPPO,mga alas 2:30 ang takna sa kahapunon niadtong Agusto 12,2025 didto sa Sitio Centro, Brgy. Denuyan, Siayan, Zamboanga del Norte.
Naila ang dinakpan sa alyas nga “Kit” , 29 anyos, ulitawo, drayber, notadong wanted person ug residente sa susamang dapit kinsa gidakop pinaagi sa usa ka Warrant of Arrest alang sa krimen nga Qualified Theft ubos sa Criminal Case No.327-C-2024-CR, nga giisyu ni Presiding Judge Arnold Rimon Martinez sa Regional Trial Court, Fourth Judicial Region, Branch 108, Cabuyao City, Laguna, pinetsahan og Hunyo 10, 2024 sa Ph. alang sa temporaryo nga kagawasan.
Ang dinakpan gipahibalo sa iyang konstitusyonal nga katungod sa usa ka diyalekto nga hingpit niyang nasabtan, ug anaa na karon sa kustodiya sa Siayan MPS alang sa tukmang disposasyon.(Medalyn U. Borja)
Source: ZNPPO