Himas rehas ang usa ka lalaki homan gi aresto kini sa kasong paglapas sa RA 7610 kon Acts of Lasciviousness ngadto sa usa ka menor de edad.
Ang suspetsado giila nga si Simplicio Pangilinan Fernandez Jr., 61 anyos, ulitawo, usa ka fighting cock handler, ug residente sa Sta. Cruz, Central Barangay, Dipolog City, nga kasamtangang nahimuyo ug nagtrabaho sa Purok Parpagayo, Lower Dicayas, ning dakbayan sa Dipolog.
Samtang ang biktima niini nga usa ka menor de edad nga gi alyasan sa pangalan nga “Kate” 9 anyos,ug residente sa Lower Dicayas, dakbayan sa Dipolog.
Matod sa naasoy nga DTP nga ang suspetsado matod pa,mihalok sa tuo nga abaga sa biktima ug mihikap sa dughan ug kinatawo niini.
Tungod sa naasoy nga insidente,diha-diha dayon, ang personahe sa PNP nag epekto sa pag aresto, pinaagi ni Pat Golden Grace S. Salan, duty WCPD Investigator kauban ang biktima ug amahan niini, ug sa duty SWAT team nga miresponde sa lugar sa insidente aron sa pagsusi sa katinuod sa maong taho.
Sa pag-abot didto, nakita nga natulog ang suspek ug dihang gipukaw kini.
Gipahibalo ang iyang mga katungod sa konstitusyon nga puro pareho nga Miranda ug Anti-Torture Warning sa usa ka diyalekto nga hingpit niyang nasabtan ug gidala sa Corazon Aquino Hospital alang sa pisikal nga eksaminasyon.
Ang biktima gidala sa buhatan pulisya aron pormal nga pasakaan og kaso ang suspek,
Samtang ang dinakpan temporaryong gitanggong karon sa Dipolog CPS detention cell ug nagpaabot nga pasakaan og tukmang kaso sa korte. (Medalyn U. Borja, RPN DXKD Correspondent)
(Source: Dipolog CPS)