Usa ka buy-bust operation nga gihimo sa mga kapulisan nga miresulta sa pagka aresto sa usa ka lalaki, pasado alas 2 sa kadlawon Enero 24, 2025, didto sa Barangay Gil Sanchez, Labason, Zamboanga del Norte.
Ang dinakpan naila nga si Danilo Sanchez 35 anyos,lalaki, walay trabaho ug residente sa samang Barangay, notadong usa ka Street Level Individual (SLI) kinsa gi-aresto sa mga personahe sa Labason Municipal Police Station (MPS) uban sa koordinasyon sa Zamboanga del Norte PDEA 9 ug sa 2nd PMFC tungod sa paglapas sa balaod nga may kalabutan sa pagpayuhot sa ginadili nga drugas.
Nasakmit atol sa operasyon ang Usa ka medium-sized nga heat-sealed transparent plastic sachet nga adunay sulod nga crystalline granules nga gidudahang “shabu” isip buy-bust item,Usa ka dako nga heat-sealed transparent plastic sachet nga adunay puti nga crystalline granules nga gituohang shabu isip possession item, Usa ka tinuod nga 500 peso bill, Usa ka cotton drinking straw nga gigamit isip improvised scoop, Upat ka walay sulod nga plastic sachet, Usa ka itom nga Huawei touchscreen nga cellphone.
Ang mga nakumpiska, nga gituohang shabu adunay gibug-aton nga gibana-bana sa kinatibuk-ang 5 ka gramo ug mobalor sa Php 34,000.
Gi-turnover ngadto sa Zamboanga del Norte Provincial Forensic Unit ang mga nakumpiska alang sa eksaminasyon.
Samtang ang dinakpan gitanggong sa Labason MPS lock-up detention cell alang sa tukmang disposasyon. (Medalyn U. Borja)
(Source: ZNPPO)