27.7 C
Manila
Friday, February 23, 2024

Dipolog: Laing AICS payout gipahigayon dinhi sa dakbayan

- Advertisement -

Gipahigayon kaganihang buntag sa may alas 9:00 ang takna ang laing “Assistance to Individuals in Crisis Situation” (AICS) Payout didto sa Dipolog City Sports Complex, sa Barangay Olingan, ning siyudad.

Ang nasangpit nga kalihokan ang gipasiugdahan sa Department of Social Welfare and Development duyog na sa kagamhanang lokal ning siyudad pinaagi sa lokal nga buhatan sa City Social Welfare and Development niini sa pagdumala ni City Social Welfare Officer, Ms. Arlene O. Jatico, uban sa mga personahe gikan sa nasangpit nga buhatan.

Gawas sa mga personahe gikan sa DSWD ug CSWD, personal gayud nga mitambong si City Mayor Darel Dexter T. Uy, kinsa nakasaksi sa maong payout.

Dinhi, midawat sa tag 5 mil ka pesos ang mokabat sa 600 ka mga resipiyentes gikan sa 21 ka mga barangay ning dakbayan, kinsa giilang maoy mga benepisaryo ning maong ayuda.

Atol sa hamubong mensahe nga gipabati ni Mayor Uy, kini ang mipaabot sa iyang kinasing-kasing mga pasalamat ngadto sa mga mitabang aron sa paghatag sa ayuda ngadto sa mga nanginahanglan partikular na ni Senador Juan Miguel Zubiri ug uban pa.

Gidasig usab sa kugihang mayor ang mga resipiyentes, nga unta ilang ayuhon sa paggamit o paggasto ang ilang nadawat nga ayuda, pinaagi sa pagpalit sa ilang mga panginahanglan dinha sa ilang tagsa-tagsa ka mga panimalay.

Kahibalo-an nga kining AICS maoy usa ka programa sa atong nasudnong kagamhanan pinaagi sa DSWD nga mohatag og ayuda ngadto sa atong mga kabus nga kaigsoonan sa panahon sa kapit-os, kinsa nakitang apektado ngadto sa ilang nga nagkalain-laing problema dinha sa ilang mga panimalay, basi sa ebalwasyon nga pagahimoon sa hingtungdang buhatan aron sa paglantaw sa mga kwalipikadong makadawat ning maong matang sa pribilihiyo.

(Source: Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -