Nitubag dayon ang Emergency Medical Services (EMS) personnel sa Labason Municipal Fire Station sa usa ka emergency medical case sa Barangay Lopoc, Labason, Zamboanga del Norte ubos sa direktang pagdumala ni FINSP Joel S. Sabijon, Acting Municipal Fire Marshal.
Pag-abot sa mga responder, ilang nasuta nga ang pasyente naglingkod, conscious ug responsive apan makita nga maluya ug adunay taas nga blood pressure. Gitambagan ang pasyente nga magpabiling kalmado ug maglingkod aron malikayan ang sobra nga pagpaningkamot sa lawas, samtang padayon nga gibantayan sa EMS personnel ang iyang kahimtang.
Human sa inisyal nga pag-atiman, gilayon nga gidala ang pasyente ngadto sa Labason District Hospital alang sa dugang nga medical evaluation ug gikinahanglang pagtambal.
Ang paspas nga pagresponde sa EMS personnel nakatabang sa luwas nga paghatod sa pasyente ngadto sa tambalanan alang sa hustong pag-atiman.(JENIFFER JR. DELICA)
Source: BFP R9 Labason Fire Station