Gisikop sa mga sakop sa Polanco PNP ang usa ka barangay kagawad didto sa Purok Abokado, Barangay Labrador sa lungsod sa Polanco, Zamboanga del Norte, Pebrero 13 ning tuiga.
Ang suspetsado giila nga si Elderecio Alcaria Bartolazo Jr., 53 anyos, minyo, barangay councilor sa Barangay Labrador Polanco.
Basi sa nahipos nga police blotter, gisikop si Bartolazo pinasikad sa gahom sa warrant of arrest nga gilowatan ni Presiding Judge FLORENDO BOLANTE OPAY, Acting Presiding Judge sa RTC Ninth Judicial Region, branch 7, Dipolog City, Zamboanga Del Norte, alang sa kasong (2) counts Sexual Abuse (under sec. 5 (B) of R.A. 7610).
Si Bartolazo gisitaran ug piyansa sa korte mobalor ug P180,000.00 matag ihap sa kaso bugti sa iyang temporaryong kagawasan.
Si Elderecio Bartolazo anaa na karon nagtingkagol sa sulod sa selda sa Polanco MPS.
(Source: Dipolog Balita Express Facebook page)