Miduaw si Congressman Adrian “Ian” A. Amatong sa Salug District Jail kauban si Board Member JR Brillantes aron tan-awon ang kahimtang ug mga programa sa maong pasilidad.
Gidawat sila ni Acting Jail Warden JSINSP Rolly L. Paner diin gipresentar ang kasamtangang kahimtang sa kulungan ug ang mga ginabuhat nga lakang sa seguridad sama sa pagbutang og GI sheets sa perimeter fence ug pagpalig-on sa rehas sa selda.
Gihisgutan usab sa pagbisita ang posibilidad sa pag-ayo ug pagpaayo sa karaang building aron mas mapalambo ang operasyon ug kahimtang sa pagpuyo sa mga Persons Deprived of Liberty o PDL.
Gipakita sa maong pagbisita ang panagtambayayong sa lokal nga liderato aron mapalig-on ang seguridad ug mapaayo ang pasilidad sa kulungan sa Salug.(JENIFFER JR. DELICA)
Source: Salug District Jail-BJMPR9