Gidawat ni Dapitan City Mayor Evelyn “Belen” T. Uy si Kinabayo Queen 2026 Cindy Morados sa iyang courtesy visit sa City Mayor’s Office, diin gihisgutan ang iyang mga responsibilidad isip tourism ug cultural ambassador sa siyudad sulod sa usa ka tui
Kauban ni Morados si OIC City Tourism Officer Jervie Padrones atol sa maong panagkita. Ubos sa iyang proposed contractual engagement sa lokal nga pangagamhanan, iyang pangunahan ang nagkalain-laing community outreach programs, tourism campaigns ug promotional activities alang sa Dapitan.
Lakip sa iyang mga prayoridad ang pagpalambo sa grassroots tourism sa mga rural nga komunidad sama sa Barangay Tag-ulo, pagpasundayag sa mga lokal nga cultural experiences, ug pakigtambayayong sa mga tourism stakeholders lakip ang diving community ug mga divers’ associations aron mapaila ang coastal ug underwater attractions sa siyudad.
Gipahayag ni Mayor Uy ang iyang suporta sa mga umaabot nga inisyatiba ni Morados, samtang gihatagan og gibug-aton sa City Government ang papel sa Kinabayo Queen isip tingog sa lokal nga kultura ug kabahin sa mga paningkamot sa pagpalambo sa turismo sa Dapitan.(JENIFFER JR. DELICA)
Source: Dapitan City Government