Sikop ang usa ka Jamani Jackaria Y Siddik, 35 Anyos lumulupyo sa lungsod sa Sibuco, Zamboanga Del Norte, kinsa gikataho nga Key Suspect sa pagkidnap sa usa ka American National nga si Elliot Eastman diin dugay ng gipangita atol gipahigayon nga Law Enforcement Operation didto sa kadagatan sa Basilan ug Zamboanga City.
Ang pagkasikop gipahigayon pinasikad sa warrant of arrest nga giisyu ni Acting Presiding Judge sa Regional Trial Court (RTC), Branch 27, Siocon, Zamboanga Del Norte, nga walay girekumendar nga pyansa ang korte alang na unta sa temporaryo niining kagawasan.
Matud pa nga si Jackaria adunay paglapas sa article 267 sa Revised Penal Code (RPC) alang sa kasong Kidnapping ug Serious Illegal Detention, mahitungod na sa pagkidnap sa American National nga si Elliot Eastman didto sa lungsod sa Sibuco, kaniadtong October 17, ning tuiga.
Kahinumduman ang pagsikop gihimo sa hiniusang operasyon nga gilangkuban sa mga lain laing ahensya sa gobyerno.
Sa pagkakaron ang suspect ang anaa na karon sa Sibuco PS alang na sa tukmang disposasyon nga ipahamtang batok kaniya.
Ang pagkasikop sa maong suspetsado gikalipay usab ni Police Regional Office 9 Regional Director, Pbgen Bowenn Joey M. Masauding sa kalampusan nga nakuha ra gayud ang yawe sa maong pagkidnap sa nahisgutang langyaw, diin ang maong mga grupo sa ahensya ang gasilbing naningkamot nga maresolba sa tropa ang pagdakop sa maong suspect.
Kini ang usa ka testamento alang sa ilang walay hunong nga dedikasyon ug padayon nga commitment sa pag angkon sa hustisya sa matag biktima. (Angelica T. Obina)
(Source: ZNPPO)