Opisyal nang giabrihan sa Lokal nga Pangagamhanan sa Pres. Manuel A. Roxas ang aplikasyon para sa Kasalan ng Bayan 2026, usa ka pinasahi nga programa nga naghatag og higayon sa mga kuwalipikadong magtiayon nga makapakasal sa legal ug makahuluganon nga seremonya.
Kini nga kalihukan ginapangulohan sa Local Government Unit ubos sa liderato ni Mayor Ismael A. Rengquijo Jr., isip kabahin sa padayon nga paningkamot sa munisipyo sa pagpalig-on sa institusyon sa pamilya ug pagpalambo sa kaayohan sa komunidad.
Pinaagi sa Kasalan ng Bayan, ang mga magtiayon makabenepisyo sa usa ka hapsay ug malinawon nga civil wedding nga naghiusa sa gugma, responsibilidad, ug legal nga pagkahiusa sa kaminyoon.
Gidapit ang tanang interesadong magtiayon nga moduol sa Office of the Local Civil Registrar (LCR Pres. Manuel A. Roxas) alang sa kompletong detalye sa rehistrasyon ug mga kinahanglanon.
Samtang, ang deadline sa pagpasaka sa aplikasyon karong umaabot Pebrero 2, 2026.(IKEN B. GULLEM)
Source: Lcr Pres Manuel Roxas