Nakuha sa tunghaan sa Saint Vincent’s College ang kampyonato sa larangan sa basketball sa gipahigayong 1st Gov Nanay Nene Intercollegiate Basketball Tournament, diin pakyas ang Andres Bonifacio College sa pagkab-ot sa kadaugan,didto sa ZN Convention and Sports Center, Myerkules sa Gabie Marso 13, 2024.
Ang SVC isip kampyon nakadawat ug premyo nga 50,000 pesos ug 5 kilos rice sa matag players ug coach niini, 30,0000 pesos alang sa 1st Runner Up nga mao ang tunghaan sa ABC, 20,000 pesos usab alang sa 2nd Runner Up nga nakuha sa JRMSU Katipunan,ug 10,000 pesos nga ganti ang nakuha sa JRMSU Dipolog isip 3rd Runner Up.
Sa pikas bahin, isip Muse nahimong winner si Miss Ange Aguila gikan sa SVC nga malipayong midawat sa 10,000 pesos,samtang sa Most Best 3-point shooter nakuha ni Tizon, ug sa Most Valuable Player nasukbit ni Lacaya nga nahatagan ug tag 2,000 pesos matag-isa nga premyo gikan gihapon sa SVC nga maoy kampiyon sa naasoy nga kompetisyon.
Samtang mipasalamat ngadto kang Gov. Nanay Nene Jalosjos ang walo ka team sa paghatag kanila ug kahigayonan nga malambigit sa sports ilabi na sa basketball.
Dugang pa,ang gobernador naka Plano na nga mohimo na usab ug susamang torneyo alang sa mga magtutungha sa High School ning lalawigan sa bulan sa Abril niining tuig. (Medalyn U. Borja)
Source: Provincial Government of Zamboanga del Norte)
