Bag-ong oportunidad sa trabaho ang giandam alang sa mga jobseeker sa Zamboanga del Norte pinaagi sa 67th Araw ng Salug Job Fair 2026 nga ipahigayon sa Septiyembre 21 sa Salug Municipal Gymnasium.
Ang maong kalihokan ipahigayon sa Municipality of Salug, kauban ang DOLE-Zamboanga del Norte Field Office, Department of Migrant Workers ug PESO Salug, isip kabahin sa selebrasyon sa 67th Araw ng Salug.
Gidapit ang mga nangita og trabaho gikan sa Salug ug silingang lungsod nga moapil sa job fair nga magsugod alas 8:00 sa buntag hangtod alas 5:00 sa hapon.
Lakip sa mga bakanteng trabaho ang alang sa hospitality, healthcare, education, beauty and personal care, construction ug engineering, agriculture, skilled trades, general labor, professional ug business services, ingon man mga oportunidad alang sa overseas employment.
Gipahinumdoman ang mga aplikante nga magdala og updated resume o CV, government-issued ID, TOR, diploma, certificates, employment records, lisensya ug uban pang supporting documents.
Sumala sa mga organizer, dili na kinahanglan nga mopadulong pa og layo ang mga nangita og trabaho tungod kay ang mga oportunidad mismo gipaduol na sa mga Zanortehanon.(MEDALYN U. BORJA)
Source: DOLE Liloy Satellite Office