Usa ka insidente sa pagpanunggab ang nahitabo sa Eco 5, South Baybay, Galas, dakbayan sa Dipolog gitaho alas 10:55 sa gabii niadtong Agosto 5, 2023.
Giila ang mga biktima nga sila si Danilo Fuentes Pacris, 52 anyos, minyo; ug Carlito Marabulas, 33 anyos, ulitawo, parehong residente sa Eco 5, South Baybay, Galas, Dipolog City. Samtang giila ang suspek nga si Millard Tical Balolot, 29 anyos, ulitawo, residente usab sa nasangpit nga lugar.
Sa inisyal nga imbestigasyon nasayran nga ang suspek ug ang iyang live-in partner adunay init nga panaglalis. Gisumbag sa suspek ang iyang live in partner ug nisuway sa pagdunggab kaniya apan nangayo kini og tabang sa iyang silingan nga si Danilo Fuentes Pacris apan ang naulahi gidunggab sa walang tuhod sa suspek.
Sa dihang si Carlito Marabulas (stepson ni Danilo) nisuway sa pagpatahan sa suspek, gidunggab usab kini diha sa iyang wala nga bitiis, apan ilang nakuha ang kutsilyo gikan sa mga kamot sa suspek, dayon misibat dayon paingon sa lapokon nga dapit.
Ang mga biktima nga sila si Danilo ug Carlito gidala sa Zamboanga del Norte Medical Center alang sa pagtambal.
Ang suspek nga Millard Tical Balolot nasikop sa mirespondeng SWAT team.
(Source: PNP ZamPen)