Sa mga 7:39 PM sa Hunyo 12, 2023 usa ka nagpakabana nga lungsuranon nanawag sa Labason MPS nga adunay usa ka insidente sa pagpamusil nahitabo sa crossing Ranillo pension house, Brgy. Gil Sanchez, Labason, ZN.
Sa mga alas 7:44 sa gabii niadtong Hunyo 12, 2023, usa ka team sa PNP personnel sa Labason sa pag pangulo ni PEMS Leonel S Palacay, MESPO mipaingon sa lugar aron pag-verify sa katinuod sa nasangpit nga report ug sa pagpahigayon ug imbestigasyon sa maong insidente.
Gibutyag nga sa mga alas 7:30 sa gabii niadtong Hunyo 12, 2023, ang biktima nga si Francis Anthony Segovia Tacgos, 32 anyos, ulitawo, residente sa Brgy Gil Sanchez, Labason, uban sa iyang back ride nga si Alpha Segovia Sitoy sakay sa motorsiklo paingon sa balay sa ilang inahan, samtang nagpadulong sa tabokanan sa ranillo pension house mihunong ang biktima sa ngitngit nga dapit aron mangihi.
Ug samtang mikanaog na unta siya sa motorsiklo, dihay Yamaha Mio nga mihunong uban sa duha ka wala mailhing suspek nga sakay sa motor.
Ang drayber sa nahisgutan MIO, niduol sa biktima ug kalit nga gipusil ug niikyas paingon sa wala matinong direksyon.
Ang biktima nakaangkon og duha ka samad pinusilan sa iyang ulo ug walang abaga nga maoy hinungdan sa iyang kamatayon.
Narekober sa crime scene ang (2) Duha ka kalibre 45 nga basiyo kabhang ug (2) duha ka slug.
(Source: PNP Zamboanga del Norte)