Sikop sa hiniusang pwersa sa kapolisan ingon man mga kasundalahan ang grupo sa kidnap for ransom human gika engkwentro didto sa Barangay Salipyasin Kabasalan, Zamboanga Sibugay.
Ang nasikop mao si Mursid Ahod, kinsa top 8 most wanted person sa Zamboanga Sibugay Provincial Police Office.
Adunay laing duha nga nasikop usab nga nailhan sa pangalan nga  Abdul Sahibad ug Fahad Sahibad pulos gikatahong mga sakop sa kidnap for ransom group sa nahisgutang lugar.
Nadakpan ang tulo sa gikasa nga sa joint operation nga gipahigayon sa 106th Infantry (Tigpanakidad) Battalion ug ang 2nd Provincial Mobile Force Company (PMFC) Zamboanga Sibugay Police Provincial Office (ZSPPO) diin sila madawat ug taho gikan sa mga nagpakabana nga mga sibilyan uban sa koordinasyon sa MNLF ug MILF.
Matud pa sa taho nga hangtud karon gapadayon pa gihapon ang paggukod o pagpangita sa mga kapolisan ug mga kasundaluhan sa mga naka eskapo nga mga kaanib sa nahisgotang grupo.
Ming-abot na usab didto ang grupo sa mga kasundaluhan sa paggukod sa lungsod sa Naga, Zamboanga Sibugay, subay niini ang LGU Naga kinsa gapahigayon usab ug duha ka adlaw nga pag suspende sa  eskwelahan aron sa walay maamong nga mga inosente sa higayon nga adunay engkwentro tali sa mga bandidong grupo ug tropa sa gobyerno.
Kahinumduman nga ang nahisgutang grupo ang gituhuang responsable sa pagkidnap sa amerkanong si Elliot Eastman didto sa lungsod sa Sibuco, Zamboanga del Norte sa miaging mga buwan.
Sa pagkakaron wala pay kasiguruhan kung pila na ang nakuha sa maong grupo, pero matud pa sa report nga unom na ang nangamatay sa grupo sa mga kidnapper ug hangtud ning pagbalita karon padayon pa gihapon ang paggukod subay sa Naga Zamboanga Sibugay. (Angelica T. Obina)
(Source: PRO9)