Gipasalamatan ni Mayor Gani Esmali, Jr. sa Baliguian si Governor Darel Dexter T. Uy sa pagpadala og backhoe gikan sa Provincial Engineering Office (PEO) aron magamit sa clearing operations sa mga landslide sa Barangay Linay, Baliguian, Zamboanga del Norte.
Ang maong inisyatibo usa ka dakong tabang sa mga residente nga naapektuhan sa pagkahugno sa yuta, nga miresulta sa pagkabara sa mga dalan ug kalisud sa pag-agi sa mga sakyanan. Sukad pa niadtong Oktubre 16, 2025, padayon ang operasyon sa 6-kilometrong dalan gikan sa sinugdanan sa landslide hangtod sa sentro sa barangay.
Matod pa ni Mayor Esmali, ang koordinasyon tali sa LGU Baliguian, PEO, ug Provincial Government nakatabang sa pas-pas nga pagpanglimpyo ug pagpabalik sa normal nga kahimtang sa lugar. Dugang pa niya, magpadayon ang LGU sa pakig-alayon sa probinsya ug uban pang ahensya sa gobyerno aron masiguro ang kaluwasan ug kahapsay sa komunidad.(IKEN B. GULLEM)