Kini ang tipik sa mensahe ni Gov. Nanay Nene nga gibasa ni Atty. Mah sa pagbukas sa 10-Day Peace and Unity Deradicalization Program alang sa mga kanhi rebelde nga gipahigayon sa 97th IB Headquarters, Del Pilar, Piñan, Zamboanga del Norte kaganihang buntag Nobyembre 16 ug pagatapuson karong umaabot Nobyembre 25.
Gidayig ni Governor Jalosjos ang 97TH IB sa pagpangulo ni Lieutenant Colonel Nolasco B. Coderos Jr. ug ni TESDA Provincial Director Engr. Alan T. Bacatan sa tanang suporta sa mokabat 67 ka mga Friends Rescued (FR) sa ZaNorte.
Matud pa sa inahan ning lalawigan nga ang Deradicalization Program susama usab sa pamaagi nga gisagop sa United Nations Development Program (UNDP).
Diin, tumong ug tinguha aron mapakgang ang pagkuyanap sa violent extremism nga subay niini masaligon ang kagamhanang probinsyal nga nasugdan na ang maong programa alang sa mga FR’s.
Sa nasayran gikan ni Lt. Col. Coderos nga ang KALASAGLAHI Battalion nga inubanan sa nagkalain-laing ahensya lakip ang kagamhanang probinsyal, adunay mga lectures skills ug mga kalamboan sa pagbansay-bansay aron usab makab-ot sa mga partisepante ang kalamboan partikular na alang sa ilang kapanginabuhian.
Sumala pa nga usa usab kini sa tinguha aron mahatagan sa tabang pinansyal, housing, education, skills training, health care ug services alang sa mga kanhi rebelde.
Gikahibaloan nga ang maong programa nagdala sa tema nga “Bag-ong Hulagway, Para sa Kalinaw.”
(Source: Provincial Information Center ZaNorte Facebook page)